У Пецярбургу абмеркавалі сувязі горада зь беларускай культурай

„Санкт-Пецярбург і беларуская культура” – канфэрэнцыя пад такім загалоўкам адбылася ў Расейскай нацыянальнай бібліятэцы ў Пецярбургу.

Яе галоўным арганізатарам зьяўляецца Санкт-Пецярбурская асацыяцыя беларусістаў і асабіста прафэсар Мікола Нікалаеў.

Прадстаўніком беларускіх дасьледчыкаў з Польшчы, якія займаюцца дасьледваньнямі гісторыі Беларусі й Праваслаўнай царквы, быў прафэсар Антон Мірановіч. На ягоную думку, Санкт-Пецярбург - гэта горад, які здаўна адыгрывае вялікую ролю ў беларускіх дасьледваньнях.

Размову з Антонам Мірановічам слухайце ў далучаным гукавым файле.

Правядзеньне чарговай 25-й юбілейнай канфэрэнцыі „Санкт-Пецярбург і беларуская культура” плянуецца на чэрвень 2017 году.

Яраслаў Іванюк