Вечная памяць: архіепіскап Сіман

На 81 годзе жыцьця памёр праваслаўны архіепіскап лодзінска-познаньскі Сіман – Сьвятар, літаратуравед ды сьвядомы беларус. Нарадзіўся ён на польска-беларускім памежжы, у Нараўчанскай гміне Падляшша, зь якой, хаця служыў у другім кутку Польшчы, ніколі не губляў кантакту. Айцец Сіман быў дакладчыкам, сябрам літаратурнага абʼяднаньня «Белавежа». Шмат хто па сёньняшні дзень памятае таксама яго кранальныя пропаведзі, у якіх гаварыў пра любоў да мовы ды зямлі. Сярод навучэнцаў архіепіскапа Сімана быў настаяцель праваслаўнага прыхода ў Гарадку, айцец Мікалай Астапчук. Архіепіскап Сіман будзе пахаваны ў суботу на праваслаўных могілках у Лодзі.

Матэрыял аўтарства Міхася Сцепанюка слухайце ў гукавым файле.