На Беласточчыне праходзіць "Бардаўская восень" (ФОТА)

24 раз Беласточчына прымае фэстываль беларускай бардаўскай ды аўтарскай песьні "Бардаўская восень".

Адкрыцьцё трохдзённага сьвята беларускага слова і музыкі традыцыйна прайшло ў Доме культуры Бельска Падляскага, дзе перад мясцовай публікай выступілі вядомыя беларускія музыкі ды маладыя выканаўцы, удзельнікі конкурснай часткі. Шмат гадоў імпрэзу арганізуе Аб'яднаньне на карысьць адукацыі і папулярызацыі Беларускай культуры «Шчыты», старшыня якой, Ігар Лукашук даў старт фэстывалю.

Пераможцы сёлетняй конкурснай часткі фэстывалю «Бардаўская восень-2017» будуць абвешчаныя сёньня ўвечары. Таксама сёньня перад бельскай публікай, а заўтра перад беластоцкай выступяць ляўрэаты ды зоркі беларускай музыкі: Алесь Камоцкі, Сяржук Доўгушай ды Аляксандр Ясінскі, а таксама гурт NAVIBAND.

Зьміцер Косьцін

Рэпартаж у далучаным гукавым файле.