Саксонія за адмену санкцый супраць Расеі
Ва ўсходніх землях Нямеччыны адраджаецца настальгія па Расеі.
„Мы хочам мірнага спыненьня канфлікту ва Ўкраіне, але хочам таксама неадкладнага спыненьня эканамічных санкцый” - заявіў прэм'ер Саксоніі Міхаэль Крэтшмэр падчас Міжнароднага эканамічнага форуму ў Санкт-Пецярбургу.
Прэм'ер Саксоніі таксама запрасіў Уладзіміра Пуціна наведаць Дрэздэн, то бок горад, у якім у часы ГДР расейскі прэзыдэнт дзейнічаў у якасьці агента КДБ. Палітык таксама высока ацаніў будаўніцтва Nord Stream 2 і запэўніў, што станоўчыя эканамічныя адносіны спрыяюць вырашэньню палітычных праблем.
Міхаэль Крэтшмэр зьяўляецца членам Хрысьціянска-дэмакратычнага саюза Нямеччыны (ХДС) Ангелы Мэркель, якая цьвёрда падтрымлівае міжнародныя санкцыі супраць Расеі. У сувязі з гэтым такія выказваньні прадстаўніка ХДС выклікалі ў Нямеччыне зьдзіўленьне, тым больш, што яны прагучалі з Расеі. Дарэчы, да гэтай пары прыхільнікамі пашырэньня эканамічнага супрацоўніцтва з Расеяй, нягледзячы на дзеючыя санкцыі, у краіне лічыліся палітыкі Сацыял-дэмакратычнай партыі Нямеччыны.
„Заявы прэм'ера Крэтшмэра прадыктаваны тым, што ў Саксоніі праходзіць выбарчая кампанія”, - кажа Кай-Оляф Лянг з бэрлінскага аналітычнага цэнтра Wissenschaft und Politik.
У Саксоніі найбуйнейшым палітычным праціўнікам ХДС зьяўляецца прарасейская „Альтэрнатыва для Нямеччыны”.
Згаданая партыя патрабуе адмены санкцый супраць Расеі й крытыкуе палітыку Ангелы Мэркель. Дарэчы, паводле камэнтатараў, гэтая крытыка стала прычынай перамогі „Альтэрнатывы для Нямеччыны” на нядаўніх выбарах у Эўрапарлямэнт у Саксоніі, чытаем у выданьні „Rzeczpospolita”.
аз
„Мы хочам мірнага спыненьня канфлікту ва Ўкраіне, але хочам таксама неадкладнага спыненьня эканамічных санкцый” - заявіў прэм'ер Саксоніі Міхаэль Крэтшмэр падчас Міжнароднага эканамічнага форуму ў Санкт-Пецярбургу.
Прэм'ер Саксоніі таксама запрасіў Уладзіміра Пуціна наведаць Дрэздэн, то бок горад, у якім у часы ГДР расейскі прэзыдэнт дзейнічаў у якасьці агента КДБ. Палітык таксама высока ацаніў будаўніцтва Nord Stream 2 і запэўніў, што станоўчыя эканамічныя адносіны спрыяюць вырашэньню палітычных праблем.
Міхаэль Крэтшмэр зьяўляецца членам Хрысьціянска-дэмакратычнага саюза Нямеччыны (ХДС) Ангелы Мэркель, якая цьвёрда падтрымлівае міжнародныя санкцыі супраць Расеі. У сувязі з гэтым такія выказваньні прадстаўніка ХДС выклікалі ў Нямеччыне зьдзіўленьне, тым больш, што яны прагучалі з Расеі.
Дарэчы, да гэтай пары прыхільнікамі пашырэньня эканамічнага супрацоўніцтва з Расеяй, нягледзячы на дзеючыя санкцыі, у краіне лічыліся палітыкі Сацыял-дэмакратычнай партыі Нямеччыны.
„Заявы прэм'ера Крэтшмэра прадыктаваны тым, што ў Саксоніі праходзіць выбарчая кампанія”, - кажа Кай-Оляф Лянг з бэрлінскага аналітычнага цэнтра Wissenschaft und Politik.
У Саксоніі найбуйнейшым палітычным праціўнікам ХДС зьяўляецца прарасейская „Альтэрнатыва для Нямеччыны”.
Згаданая партыя патрабуе адмены санкцый супраць Расеі й крытыкуе палітыку Ангелы Мэркель. Дарэчы, паводле камэнтатараў, гэтая крытыка стала прычынай перамогі „Альтэрнатывы для Нямеччыны” на нядаўніх выбарах у Эўрапарлямэнт у Саксоніі, чытаем у выданьні „Rzeczpospolita”.
аз