Хто будзе прасіць прабачэньня ў жонкі генэрала?

Гаворка ідзе пра смаленскую авіякастрофу 2010 году польскага ўрадавага самалёта. Тым часам, старшыня МАК Анодзіна разам з Аляксеем Марозавым, старшынём расейскага Сьледчага камітэта, апублікавалі інфармацыю пра нецьвярозага польскага генэрала, які аказваў ціск на сваіх падначаленых. А пілёты, маўляў, ня ведалі на якой вышыні яны знаходзяцца й няправільна адрэагавалі на папярэджаньне „pull up”. Спэцыялісты з Інстытуту судовых экпэртыз у Кракаве сьцьвярджаюць, што ўсё гэта няпраўда.

На жаль, на месцы старой хлусьні й перакручанай інфармацыі зьяўляецца новая. Турнэ па тэлестанцыях праводзіць палкоўнік Эдмунд Кліх, які падтрымлівае расейскую прапаганду й заяўляе „няпраўда, што расейцы хлусілі, няпраўда, што фальсыфікавалі вынікі анатаміраваньня ахвяр», а доказам прысутнасьці генэрала Бласіка ў кабіне зьяўляецца расейская экспэртыза.

А яна, як раз, зьнікла са старонак МАК, так як і ключавы відэазапіс са смаленскага бараку, які шумна назвалі вежай кіраваньня паветраным рухам, - піша „Rzeczpospolita” Аднак ў часы Інтэрнэту нішто не прападае й слаўную экспэртызу нумар 37 можна знайсьці. Прачытаўшы яе ўзьнікае выснова, што зыходным момантам быў тэзіс: „чуваць голас Бласіка”. Астатнюю частку рапарту дапасоўвалі падбіраючы доказы. Застаецца пытаньне „Хто павінен прасіць прабачэньне ў сваякоў пілётаў?” Я прашу прабачэньня за журналістаў, - напісаў камэнтатар „Rzeczpospolita” Цэзары Гмыз.

Rzeczpospolita/яс