Logo Polskiego Radia
Print

Злодзеяў з музэя на Майданку не знайшлі

PR dla Zagranicy
Anna Zadrożna 28.01.2015 15:52
Сьледзтва па гэтай справе было спыненае.

Photo:
Photo: majdanek.eu

Расьсьледаваньне па факце крадзяжу экспанатаў з Музэя былога гітлераўскага канцлягера на Майданку ў Любліне было спыненае.

Прэс-сакратар акруговай пракуратуры ў Любліне пракурор Бэата Сык-Янкоўска паведаміла, што сьледчыя не былі ў стане вызначыць вінаватых у крадзяжу абутку былых вязьняў канцлягера.

Такім чынам нельга было таксама ўстанавіць, ці гэта было свавольства, ці прафанацыя.

У ходзе расьсьледаваньня ўдалося ўстанавіць, што крадзеж адбыўся паміж 18 і 20 лістапада. Зьдзяйсьняльнікі разрэзалі сетку ў бараку нумар 52 і забралі восем адзінак абутку.

Нагадаем, у фондах Музэя былога гітлераўскага канцлягера на Майданку ў Любліне знаходзяцца каля 280 тысячаў адзінак абутку былых вязьняў лягера.

аз

Print
Copyright © Polskie Radio S.A Пра нас Кантакт