Трамп уводзіць санкцыі супраць Расеі

27 жніўня ўвойдуць у дзеяньне санкцыі ЗША ў дачыненьні да Расеі. Яны зьвязаны з выкарыстаньнем расейскімі спэцслужбамі ў Вялікабрытаніі атрутнай субстанцыі «Навічок».

Дзярждэпартамэнт ЗША плянуе спыніць фінансавую дапамогу Расеі і скасаваць некаторыя кантракты на продаж зброі, адмовіцца ад прадстаўленьня крэдытаў Маскве і забараніць экспарт некаторых тавараў і тэхналёгій.

Пра ўвядзеньне санкцый было абвешчана адміністрацыяй прэзыдэнта Дональда Трампа 8 жніўня.

Злучаныя Штаты абвінавачваюць Расею ў выкарыстаньні атрутнага хімікату «Навічок», які паралізуе чалавека і выклікае сутаргавы стан. «Навічок» быў выкарыстаны супраць брытанскага агента Сяргея Скрыпаля і яго дачкі Юліі ў Злучаным Каралеўстве ў пачатку сакавіка гэтага года. Такім чынам, Расея, паводле даных Дзяржаўнага дэпартамэнта ЗША, парушыла міжнароднае права.

Расея адкідае абвінавачваньні. Яна патрабуе адкрытага і празрыстага расьсьледаваньня выпадкаў атручваньняў у Вялікабрытаніі.

У пачатку ліпеня, у тым жа рэгіёне, дзе атруціліся Скрыпалі, атруціліся два іншыя чалавекі, адзін зь якіх загінуў.

IAR/вк