Экс-генпракурор Украіны: Заказчык забойства Шарамета займае высокую пасаду
Былы ўкраінскі генпракурор Віктар Шокін: Трэба гэта праверыць — усё зойме месяц, ня больш.
Да забойства журналіста Паўла Шарамета можа быць датычны адзін з народных дэпутатаў Украіны, які й цяпер займае досыць высокую пасаду, заявіў былы ўкраінскі генпракурор Віктар Шокін у інтэрвію інтэрнэт-выданьню „Страна.ua”, паведамляе БелаПАН.
„Прозьвішча публічна называць я ня буду. Але я мяркую й, як казаў раней, практычна ўпэўнены... Каб сказаць з гарантыяй, неабходна правесьці сьледчыя дзеяньні пэўнага характару”, — адзначыў Шокін, які ўзначальваў генпракуратуру Ўкраіны з лютага 2015 па красавік 2016 году.
„Прычым там зусім няшмат патрэбна зрабіць. Я ўжо прапаноўваў, што для гэтага неабходна — проста вярнуць групу, якая расьсьледавала справу аб забойстве журналіста Георгія Гангадзэ... — працягнуў экс-генпракурор. — Тыя, хто вядуць справу Шарамета, мяне выдатна зразумелі. Я сустракаўся з калегамі, якія вялі гісторыю па Гангадзэ, — яны лічаць, што ў маіх словах ёсьць, як мінімум, значная доля праўды. Гэта не 100%, і трэба гэта праверыць — усё зойме месяц, ня больш. Тады можна было б паставіць кропку ў гэтай справе. Сувязь паміж гэтымі справамі, хутчэй за ўсё, ёсьць".
44-гадовы ўраджэнец Менска журналіст Павел Шарамет, які працаваў у СМІ Беларусі, Расеі і Ўкраіны, загінуў 20 ліпеня 2016 года, падарваўшыся ў аўтамабілі ў цэнтры Кіева, дзе ён жыў і працаваў апошнія пяць гадоў. Выбух адбыўся ў 7.45 на скрыжаваньні вуліц Багдана Хмяльніцкага й Івана Франко ў Кіеве. Магутнасьць выбухоўкі, паводле ацэнкі праваахоўнікаў, склала 400—600 грамаў у тратылавым эквіваленце. Пасьля высьветлілася, што гэта была мадыфікаваная мадэль супрацьпяхотнай міны Мон-50.
Нацыянальная паліцыя Ўкраіны распачала крымінальную справу па артыкуле „Наўмыснае забойства”. Да расьсьледаваньня падключыліся супрацоўнікі ФБР, аб дапамозе якіх папрасілі ўкраінскія ўлады. У якасьці асноўнай вэрсіі забойства разглядалася помста за прафэсійную дзейнасьць. Сьледзтва таксама не выключала, што Шарамета маглі забіць у мэтах дэстабілізацыі сытуацыі ва Ўкраіне, па асабістых матывах або па памылцы (мэтай магла быць грамадзянская жонка загінулага — уладальніца „Ўкраінскай праўды” Алена Прытула, менавіта на яе аўтамабілі перамяшчаўся Шарамет у момант трагедыі).
аз
Да забойства журналіста Паўла Шарамета можа быць датычны адзін з народных дэпутатаў Украіны, які й цяпер займае досыць высокую пасаду, заявіў былы ўкраінскі генпракурор Віктар Шокін у інтэрвію інтэрнэт-выданьню „Страна.ua”, паведамляе БелаПАН.
„Прозьвішча публічна называць я ня буду. Але я мяркую й, як казаў раней, практычна ўпэўнены... Каб сказаць з гарантыяй, неабходна правесьці сьледчыя дзеяньні пэўнага характару”, — адзначыў Шокін, які ўзначальваў генпракуратуру Ўкраіны з лютага 2015 па красавік 2016 году.
„Прычым там зусім няшмат патрэбна зрабіць. Я ўжо прапаноўваў, што для гэтага неабходна — проста вярнуць групу, якая расьсьледавала справу аб забойстве журналіста Георгія Гангадзэ... — працягнуў экс-генпракурор. — Тыя, хто вядуць справу Шарамета, мяне выдатна зразумелі. Я сустракаўся з калегамі, якія вялі гісторыю па Гангадзэ, — яны лічаць, што ў маіх словах ёсьць, як мінімум, значная доля праўды. Гэта не 100%, і трэба гэта праверыць — усё зойме месяц, ня больш. Тады можна было б паставіць кропку ў гэтай справе. Сувязь паміж гэтымі справамі, хутчэй за ўсё, ёсьць".
44-гадовы ўраджэнец Менска журналіст Павел Шарамет, які працаваў у СМІ Беларусі, Расеі і Ўкраіны, загінуў 20 ліпеня 2016 году, падарваўшыся ў аўтамабілі ў цэнтры Кіева, дзе ён жыў і працаваў апошнія пяць гадоў. Выбух адбыўся ў 7.45 на скрыжаваньні вуліц Багдана Хмяльніцкага й Івана Франко ў Кіеве. Магутнасьць выбухоўкі, паводле ацэнкі праваахоўнікаў, склала 400—600 грамаў у тратылавым эквіваленце. Пасьля высьветлілася, што гэта была мадыфікаваная мадэль супрацьпяхотнай міны Мон-50.
Нацыянальная паліцыя Ўкраіны распачала крымінальную справу па артыкуле „Наўмыснае забойства”. Да расьсьледаваньня падключыліся супрацоўнікі ФБР, аб дапамозе якіх папрасілі ўкраінскія ўлады. У якасьці асноўнай вэрсіі забойства разглядалася помста за прафэсійную дзейнасьць. Сьледзтва таксама не выключала, што Шарамета маглі забіць у мэтах дэстабілізацыі сытуацыі ва Ўкраіне, па асабістых матывах або па памылцы (мэтай магла быць грамадзянская жонка загінулага — уладальніца „Ўкраінскай праўды” Алена Прытула, менавіта на яе аўтамабілі перамяшчаўся Шарамет у момант трагедыі).
аз