Равяка й Лабковіч аштрафаваныя на 3 млн. рублёў

Учора праваабаронцы зачыненага ўладамі цэнтра «Вясна» Тацьцяна Равяка і Ўладзімір Лабковіч былі затрыманыя каля менскага ЦУМа. Яны раздавалі паштоўкі ў падтрымку асуджанага на 4,5 гады турмы лідара «Вясны» Алеся Бяляцкага. Равяка й Лабковіч былі затрыманыя міліцыяй і абвінавачаныя ў парушэньні парадку арганізацыі й правядзеньня масавых мерапрыемстваў. Сёньня над імі прайшоў адміністрацыйны суд. У выніку як Тацьцяна Равяка, так і Ўладзімір Лабковіч аштрафаваныя на 30 базавых велічыняў (гэта 3 млн. рублёў) кожны.

вясна/вс