Расея абвяшчае вайну яблыкам і грыбам зь Беларусі

Рассельгаснагляд з 23 сьнежня будзе прапускаць беларускія яблыкі й шампіньёны толькі пры наяўнасьці ў фітасанітарных сэртыфікатах інфармацыі аб месцах вытворчасьці й захоўваньня такой прадукцыі ў Беларусі, гаворыцца ў паведамленьні расейскага ведамства.

„У сувязі са значным павелічэньнем паставак на тэрыторыю РФ падкаранціннай прадукцыі (яблыкі й шампіньёны) зь Беларусі, з 23 сьнежня 2015 г. будзе прымаць вышэйпаказаную прадукцыю пры наяўнасьці ў фітасанітарных сэртыфікатах інфармацыі аб месцах вытворчасьці й захоўваньня такой прадукцыі ў Рэспубліцы Беларусь”, - гаворыцца ў паведамленьні.

Дадзеныя дзеяньні ўведзеныя з мэтай недапушчэньня ўвозу на тэрыторыю РФ прадукцыі, якая патрапіла пад дзеяньне зваротных эканамічных мер.

ria.ru/аз