Беларуска-ярданскія паліткансультацыі пройдуць 25 кастрычніка
PR dla Zagranicy
Anna Zadrożna
20.10.2016 14:01
З гэтай мэтай у Ярданію накіруецца віцэ-міністар замежных спраў Беларусі Валянцін Рыбакоў.
Photo: pixabay.com
Намесьнік міністра замежных спраў Беларусі Валянцін Рыбакоў 25 кастрычніка наведае Ярданскае Хашыміцкае Каралеўства ў мэтах правядзеньня палітычных кансультацый паміж зьнешнепалітычнымі ведамствамі Беларусі й Ярданіі. Аб гэтым сёньня на брыфінгу паведаміў журналістам начальнік упраўленьня інфармацыі - прэс-сакратар МЗС Беларусі Дзьмітрый Мірончык.
Парадкам дня кансультацый прадугледжана абмеркаваньне ўсяго кола пытаньняў двухбаковага супрацоўніцтва, а таксама рэгіянальнай і глябальнай сытуацыі. Ярданскую дэлегацыю ўзначаліць генэральны сакратар Міністэрства замежных спраў Найс Зайдан.
Заплянаваны таксама сустрэчы кіраўніка беларускай дэлегацыі з генэральным сакратаром Міністэрства прамысловасьці, гандлю й забесьпячэньня Ярданіі (сустаршынёй міжурадавай беларуска-ярданскай камісіі па гандлёвым і эканамічным супрацоўніцтве) Юсэфам аль-Шамалі й са старшынёй Гандлёвай палаты Амана Ісой Мурадам.
belta.by/аз