У Віцебску зьявілася графіці з партрэтам Васіля Быкава

У Віцебску ў двары дома № 7 на Маскоўскім праспэкце на сьцяне трансфарматарнай падстанцыі зьявіўся партрэт народнага пісьменьніка Беларусі Васіля Быкава – паведамляе інфармагенцтва БелаПАН са спасылкай на «Народныя навіны Віцебска».

Аўтарамі вялікага графіці зьяўлюцца вулічныя мастакі Глеб Каштанаў і Ян Кузьмін з каманды StreetSkills.

Каб намаляваць партрэт пісьменьніка, віцебскім мастакам прыйшлося зафарбаваць сваю старую працу з выявай амэрыканскага рэпэра Нэйта Дога.

Празь некаторы час партрэт Васіля Быкава будзе дапоўнены цытатай зь яго твораў. Якая гэта будзе цытата – пакуль невядома.

Аўтарству Глеб Каштанава і Яна Кузьміна таксама належаць папулярныя ў Віцебску графіці з выявай Марка Шагала і камэдыйнай тройкі Труса, Балбеса й Бывалага.

naviny.by/ап