Толькі два дэпутаты прагаласавалі супраць зьменаў у закон аб СМІ

19 красавіка Палата прадстаўнікоў Нацыянальнага сходу Беларусі ў першым чытаньні прыняла зьмены ў закон аб СМІ.

“За” законапраект прагаласавалі 98 дэпутатаў, “супраць” - 2, столькі ж не галасавалі. Прадстаўляў яго міністар інфармацыі Аляксандр Карлюкевіч. Адно з галоўных новаўвядзеньняў — ідэнтыфікацыя карыстальнікаў інтэрнэту, якія зьмяшчаюць на сайтах камэнтары.

Заўвагі й прапановы да законапраекта (у тым ліку й Беларускай асацыяцыі журналістаў) профільная камісія разгледзіць да другога чытаньня. Паводле словаў Карлюкевіча, ён будзе сустракацца са старшынёй БАЖ Андрэем Бастунцом і абмяркоўваць прапанаваныя праўкі. Калі адбудзецца разгляд законапраекта ў другім чытаньні, пакуль невядома.

эўрарадыё/вс