У Менску расьце колькасьць стратных прадпрыемстваў

Стратных прадпрыемстваў у сталіцы стала больш на 10,9%, чысты прыбытак паменшыўся больш чым на чвэрць.

Паводле інфармацыі галоўнага статыстычнага ўпраўленьня Менска, колькасьць стратных арганізацый сталіцы ў 2018 годзе ў параўнаньні з 2017-м вырасла на 10,9% – з 238 да 264, а іх удзельная вага – з 15,6% да 17,3%.

Пры гэтым чысты прыбытак сталічных арганізацый паменшыўся на 26,3% і склаў 3 мільярда 36,6 мільёна рублёў. Прыбытак ад падаткаабкладаньня паменшыўся на 21,6%. Затое павялічылася выручка ад рэалізацыі прадукцыі, тавараў і паслуг менскіх арганізацый на 14,7% і склала, адпаведна, 69 мільярдаў 796 мільёны рублёў.

Паводле БелаПАН/Радыё Свабода/юл