Кіраўнік Мінабароны Грузіі правядзе тыдзень з жаўнерамі

Першая ў гісторыі Грузіі жанчына-міністар абароны Ціна Хіташэлі на адзін тыдзень стане шэраговым вайскоўцам і будзе жыць на ваенных базах і трэніравацца разам з жаўнерамі, паведамляе ў панядзелак Мінабароны краіны.

"На працягу тыдня Ціна Хіташэлі пабывае на ваенных базах у Батумі, Сэнакі, Хоні, Сачхары і Кутаісі, будзе трэніравацца разам з ваеннымі і харчавацца армейскай ежай. З нагоды візыту міністра на ваенных базах адбудуцца спартовыя спаборніцтвы і лекцыі на тэму бясьпекі" - гаворыцца ў паведамленьні.

Міністэрства таксама інфармуе, што "разам зь міністрам абароны тыднёвы курс армейскага жыцьця пройдуць і телерэпартэры". Як удакладнілі ў абаронным ведамстве, гэта будуць журналісты грузінскіх СМІ.

эб/ria.ru