Прарасейскі кандыдат перамог на выбарах прэзыдэнта Малдовы

Лідар Партыі сацыялістаў Ігар Дадон перамог у выніку другога туру выбараў прэзыдэнта Малдовы, які прайшоў у нядзелю, 13-га лістапада. За яго свой голас аддалі больш за 52% выбаршчыкаў. Ігар Дадон лічыцца прарасейскім кандыдатам, у сваю чаргу Мая Санду (каля 48% падтрымкі), якая ў другім туры змагалася з Дадонам, зьяўляецца прыхільнікам інтэграцыі Кішынёва ў эўраструктуры.

Таксама ў нядзелю прайшлі выбары ў Балгарыі. На іх перамог зноў жа прарасейскі кандыдат ад Балгарскай сацыялістычнай партыі, адстаўны генэрал Румэн Радзеў.

вс