Журналіста Паўла Мажэйку аштрафавалі за стрым 25 сакавіка

У Горадні 14 траўня асудзілі журналіста Паўла Мажэйку. Нагодай для суда стаў стрым, які журналіст вёў 25 сакавіка з дазволенай гарадзенскімі ўладамі акцыі ў Калоскім парку.

Паводле міліцэйскага пратаколу, Мажэйка, ня маючы акрэдытацыі журналіста замежнага сродку масавай інфармацыі, браў інтэрвію для польскага тэлеканалу «Белсат» у аднаго з удзельнікаў мерапрыемства. Пазьней інтэрвію зьмясьціў гэта на сайце тэлебачаньня.

Суд аштрафаваў журналіста на 857 рублёў (35 базавых велічыняў).

паводле эўрарадыё/вясна/вс