Пад Менскам ліквідавалі наркалябараторыю

Пад Менскам ліквідавалі наркалябараторыю. Як паведамілі ва УУС Менаблвыканкама, у 22-гадовага прадаўца спайсаў канфіскавалі больш за кіляграм наркотыку. Зарабіць на гэтым хлопец мог 150 мільёнаў рублёў.

Наркалябараторыя разьмяшчалася ў шматпавярхоўцы ў вёсцы Копішча Менскага раёна. Малады чалавек пакупаў рэчыва для спайсаў у іншых гандляроў, а затым у кватэры сам наносіў на травяную сумесь. Пакупнікоў для гатовых спайсаў шукаў у сацыяльных сетках. Ужываў і сам.

Падчас ператрусу апэратыўнікі знайшлі ў кватэры 1034 грамы гатовых спайсаў і 30 грам рэчыва для іх, 8 мільёнаў рублёў і банкаўскія карткі, абсталяваньне.

nn.by/аз